S ejgnsinnche Harze

   Uns, diemr jetze ei dr Fremde sein;
   Allejne loufn dorch die weite Walt,
   Nutzt kej Geflenne und kej Jammrschrein,
   Ne, wos mr hottn: Haus und Hof und Gald;   
   S is olles weg bis offn letztn Toop,
   Zahn Fingr bliebn, s Harze und dr Koop.
   Die Fingr riehrn siech, dr Koop is gutt,
   Die honn siech eigericht, wie grode ging,    
   Wenn abr s Harze ne su mittetutt,
   Do isis ejmol ne dos raachte Ding.
   Ock hejm, ock hejm, su pochts halt immrzu
   Und lässt bei Tag und Nacht kej bissl Ruh.       
   Schonn hundortmol und mejorhoich gesoht:
   "Su gibock Ruh, wenns doch ne gieht,
   Hommrsch drhejme gorsu gutt gehood?"