Die muss ich honn!
Dr Onkl sohte: Wennch war starbn;
Do kinttrsch s ganze Garschtl arbn;
Ock ejs, dos nammtr ne, beileibe,
Ann Kostn dorte mit dr Scheibe
Leiht mei Gebiess ei ennr Schachte,
Dos mir dar Leipsche Doktr machte;
Hoods ou ann Maule nie gesassn,
Itz dorftorsch abr ne vrgassn,
Mr braucht dos glej onn jingstn Tage:
Wie brächte ichs denn sunst zuwaage
Geheerich mittn Zänn zu klopporn?
Und do, do hättch kej Honichlopporn;
De Zähne gattmr mit ann Sorge,
Doss ich miech nei ann Himml schorge. |