Ann April geschickt
Ann Obte sossn se beisomm
Dr Votr Langhons los de Zeitung,
Do wor dr Harrmann rimmgekomm,
Ej Noseweis mit lange Leitung.
"Dr Mickehonr Stejn fälld ei,
Nanu, dos wär doch roklich schode
Toepbindr aus dr Schlowakei ...
Komm morne frih, su los iech grode,
Die strickn jetz daan Felsn ei.
S honn glej enn Waggon vuul Droht
Ei Hobschthn gestorn obgelodn."
Dr Votr Lanfhons hoods gesoht
Und Harrmann schnoppte sehr noch Odn;
Stond Sunntich schonn im sexe uf,
Doss ar die Sache ne vorposste
Und stieg zunn "Kohln Stejne" nuff,
Daan feste ar eis Ouge fosste.
Suvill ar abr g(k)uckn toot,
S wor rejne gornischt zu drblickn,
Toopbindn kenn, orsch racht kenn Droht ...
Ar lus siech ann April ock schickn.
Seitdaan ging dorte vill vrbei!
Dr "Kohle Stejn", dar fälld ne ei!